أبوذیّات جنّة ألفردوس
تغربلنی إشتعل صبری دواوین
إبنشرتی إلحب علی طورک دواوین
إلگلب جرحیته بس گلّی دواوین
تطیبه لو یظل یدّی علیّه
...
إنگطع حبل إلوصل بینه ولک جار
یگلبی إسحب عهد ولفک ولک جار
یگلّی عمری خادم لک ولک جار
إوعدانی جنّة إلفردوس إلیّه
...
جفانی إو زاد ضیمی من هوانی
یطیر إلشات تعرف من هوانی
إقترب یمّی إو سبانی من هوانی
حرگنی إو گام یتحمّه علیّه
...
إنتمنّه إو منّه حط للشعب وگحط
لفانه إلضیم فوگ إلظلم وگحط
یطیر إلسعد صین إلبلد وگحط
إعلی راس إلمجد خل إسمک هویّه
...
حنان إلوطن مثل إلگمر وشفیت
إلعمر لبّسته ثوب إلمجد وشفیت
عزیز إبحبّک إتورّطت وشفیت
متی إو یا یوم أخلدک حر إلیّه
...
إبنص إللیل ینحب ونته بینه
إنضربت إبلوم هجرک ونته بینه
وطن حامل أصلنه ونته بینه
إبهور إو بحر و إشطوط إو بریّه
...
وطن بحری إو وجودی ونت باره
إو گرب لی إلموت أحسّن ونت باره
ثمر گلبی إبشجرتک ونت باره
لما یخلف حفد یرثی إلخویّه
...
ختل بینه إلبرمنه من جبرنه
إو بحرنه نار کبری من جبرنه
إنتحمّل هل مصایب من جبرنه
إلجبرنه إعناد ریح إلطائفیّه
...
إلأودهه جرّحتنی کلّ متنی
إبحب حارق لهتنی کلّ متنی
إبشفایفهه إلبستنی کلّ متنی
تگول إلحگنی حبّک نار إلیّه
...
نصلّی إو بإلصلاه نحتفض وتراب
إبهیچی ظلم عاشوا هلی وتراب
إلسماء یمطر علینه غضب وتراب
إندفنّه إو ما یجد إلنه تچیّه
...
إلحادونی إو ولونی إبتعب ولهم
أکلف إلروح وأطحن صبر ولهم
إتراب إو گحط نازل علی ولهم
أحس موتی گرب صایر ضحیّه
...
حبل وصلک إلی منگطع شفتل
إو غرامی إبوجنتک منحبس شفتل
تعاتبنی و أنا إلهلکان شفتل
إلمرار إو ضیم من حبّک إذیّه
...
إلوعد یکمل إبحرف إلذهب بألعین
إحذفه إو شوف یاهو إلیود بألعین
بإلمعاتب إلدمعه إو تزف بألعین
علی إلخدّین تثبت لک شفیّه
...
إللیاقه تنتسب بإلکرم بألشن
إمتحنهن وی حروب إلدهر بإلشن
روحی إو روحک إبحی غرب بإلشن
أثنین أعزاز ما بیهن بریّه
...
إذا أنت وفی إو ما تفی بألفاء
تعاتبنی إبضمیری إلعتب بألفاء
إلعشگ لو خلف حرف إلعین بألفاء
فشگ یرمی إلتِهب صوبه إلمنیّه
...
جاسم ثعلبی ألحسّانی 27/02/1401
:: برچسب‌ها:
أبوذیّات جنّة ألفردوس ,
:: بازدید از این مطلب : 656
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
